Unibertsitate eta Ikastetxeak

Kardala LHII-k, martxan hasi zenetik, ikastetxe eta unibertsitateekin harreman zuzena izan du. Ikasleen ikasketarako eta eskolaren garapenerako egitasmoak eta proiektuak elkarlanean lantzea beharrezkoa baita. Besteak beste, hona hemen orain arte landu diren proiektuen laburpen txiki bat:

• Chelon labrosus mugilidoen heltze-prozesu eta errunaldiaren optimizazioa

Proiektu hau 2012 - 2013 ikasturtean burutu da eta bertan Akuakulturako Lanbide Heziketako zenbait ikastetxek hartu dute parte, besteak beste:

• - Centro Integrado de Formación Profesional Marítimo Zaporito, Área de acuicultura (Cadiz)
• - Institut de Ensenyament Secundari "Els Alfacs"
• - Mutriku BHI – Egungo KardalaLHII
• - Instituto de Enseñanza Secundaria "Manuel Tárraga Escribano, San Pedro del Pinatar, (Murcia).
• - Departamento de Biología Marina y Acuicultura, ICMAN-CSIC

Proiektu honen helburu nagusia fotoperiodo eta termoperiodo kontrolatuetan, aurrez estabulaturiko mugilido ugaltzaileek kokapen geografiko ezberdinetan (ikastetxe ezberdinetan) errute naturalak izatea lortu eta espeziearen zikloa ixtea da. Lortutako ezagutzak bai enpresekin zein entitate publikoekin partekatuko lirateke, beti ere gure ikasleekin elkarlanean.

Honez gain, elkarlan honek 4 ikastetxeen arteko zenbait ikasleen arteko elkartrukea baimendu du. Oso aberasgarria izan da, bai ikasle horiek jaso dituzten zentroentzat zein beste zentroetara joan diren ikasleentzat.

Lankidetza eta ezagutza trukea dira formakuntzaren oinarri, eta proiektu honek balio horiek indartzeko aukera eskaini du.